Video
Read full review
2021-11-24
50 views
基隆街除左有好多好chill嘅文青cafe之外，我發現仲有一間零負評嘅餃子店，由於本人非常喜歡食餃子，就決定黎試一試。「家後」係閩南語「妻子」嘅意思，的確呢間小店係家庭式經營，老闆負責打理店裡店外、老闆娘整甜品、長輩們負責包餃子……一入到店裡面，店員們都好好招呼，有一種親切嘅感覺。店鋪主要係賣手工水餃、小食同甜品。當日朝早11點就到，嗌左湯餃、煎餃、雞翼、炸雞同芝士蛋糕試一試。本來仲想試飯糰，但太早到仲整緊，應該12點後先有。芫茜豬肉、菠菜豬肉湯餃 （套餐$53）湯餃嘅湯底比較特別，係蓮藕湯，味道清甜冇味精。 餃子皮厚有韌性，似北方餃子，所以浸落湯度都唔容易爛，可以完好地包住入面嘅肉汁。餡料份量好多，豬肉同菜比例剛剛好，而且非常新鮮。鹵水雞翼、麻辣雞翼（跟餐）雞翼都好大隻，雞皮薄而且爽口，非常入味。麻辣雞翼係小辣，麻未唔太重，唔太食得辣嘅朋友都可以試試。日式炸雞（$25）雞件外皮炸得脆而且乾身，一咬落去係熱辣辣出煙的，雞肉嫩滑多汁。洋蔥豬肉，雲耳椰菜豬肉煎餃 （套餐$57）呢度煎餃真係非常之好食，餃子係生煎成金黃色，望落已經好吸引，一口咬落去有卡滋卡滋嘅酥脆聲，然後餡料食到美味多汁嘅餡
「家後」係閩南語「妻子」嘅意思，的確呢間小店係家庭式經營，老闆負責打理店裡店外、老闆娘整甜品、長輩們負責包餃子……一入到店裡面，店員們都好好招呼，有一種親切嘅感覺。
店鋪主要係賣手工水餃、小食同甜品。當日朝早11點就到，嗌左湯餃、煎餃、雞翼、炸雞同芝士蛋糕試一試。本來仲想試飯糰，但太早到仲整緊，應該12點後先有。
芫茜豬肉、菠菜豬肉湯餃 （套餐$53）
湯餃嘅湯底比較特別，係蓮藕湯，味道清甜冇味精。 餃子皮厚有韌性，似北方餃子，所以浸落湯度都唔容易爛，可以完好地包住入面嘅肉汁。餡料份量好多，豬肉同菜比例剛剛好，而且非常新鮮。
鹵水雞翼、麻辣雞翼（跟餐）
雞翼都好大隻，雞皮薄而且爽口，非常入味。麻辣雞翼係小辣，麻未唔太重，唔太食得辣嘅朋友都可以試試。
日式炸雞（$25）
雞件外皮炸得脆而且乾身，一咬落去係熱辣辣出煙的，雞肉嫩滑多汁。
洋蔥豬肉，雲耳椰菜豬肉煎餃 （套餐$57）
呢度煎餃真係非常之好食，餃子係生煎成金黃色，望落已經好吸引，一口咬落去有卡滋卡滋嘅酥脆聲，然後餡料食到美味多汁嘅餡料，真係感到非常幸福。
我最喜歡係洋蔥豬肉煎餃，紫洋蔥非常新鮮，切成一粒粒，爽脆而且充滿水分，係當日即包即整現有咁嘅效果。而雲耳椰菜豬肉餃食落都好爽口，口感好立體。
原味芝士蛋糕（$25）
餃子店有蛋糕賣真係好少見。原來呢度嘅蛋糕係日籍老闆娘自家製嘅。巴斯克芝士蛋糕外層焗得焦香，蛋糕質感軟綿綿，濃厚幼滑，真係好正。
老闆介紹平日基本上都會有原味同另外一款口味嘅芝士蛋糕，而星期六就可能會有3-4款口味，我決定下次週末要在黎試其他味道。
Post
