天下茶屋 (福榮街)

Open Now

Now Closed

見到呢個名，就會諗起大阪既天下茶屋站，唔知有冇關係呢嘻嘻，突然有一份既親切感，望下個menu又有幾多野食，雖然望落又好似唔太正宗既日式菜，但價錢好親民，深水埗勝在有呢類食店，成功幫助下我地呢d小市民。正因為樣樣野都好抵，我同朋友都叫左唔同既小食試下：汁煮茄子冷盤小食，煮得入味又開胃，一口接一口咁食，作為前菜幾好。三味芝士燒玉子可能有過高期望，但都不過不失，玉子又厚又甜，食完都有少少飽，最好2－3人share. 單骨雞翼炸得好香口，有少少辣，估唔到o係日本餐廳都有得食，其實好食過大型m字頭的脆香雞翼，值得一試！溫泉蛋鹽燒豬肉丼入正題，呢個真係我推介之選，65hkd，份量一望就知好多，豬肉蓋滿成個飯面，燒得好香，鹽味岩岩好，唔會太咸；加上溫泉蛋同少少蔥花調味，真係好滿足！一個飯加幾個小食，再加2杯特飲，價錢都好合理親民，又可以食唔同菜式，呢種食店真係值得支持！