S3 186 (Closed)

今日就同屋企人來到深水埗區內嘅一間酒吧西餐廳食lunch，佢嘅位置喺係深水埗E酒店嘅地下。餐廳裝修浪漫，入到去會見到天花版掛滿燈飾，餐廳分別有吧枱區及用餐區，喺區內呢類型嘅酒吧餐廳比較少見。店員服務有禮，但有個位比較失望就係無主動提供水俾我地，希望只係店員一時忘記左。~~~~~~~~~~~~食物介紹~~~~~~~~~~~~🤩凱撒沙律(HKD78, Param Ham +HKD 38)幾令人失望，明明menu係凱撒沙律，但來到嘅只係一碟普通新律。沙律食落新鮮，用左柚子醋調味，param ham 正正常常，但用普通沙律來代替凱撒沙律上枱呢點令人失望。🤩烤美國安格斯肉眼扒(HKD138)牛扒叫左七成熟，食落都唔錯，size都大份，但略厭肥膏有點多。薯條炸得多香脆，同時唔會油淋淋，午市menu呢個價錢十分之抵。🤩櫻桃番茄大蛽扁意粉(HKD98)意粉中規中矩~~~~~~~~~~~~~~~~~~~~~~~~~~~~~~餐廳其實係我第二次到訪，第一次係晚市，相比之下第一次嘅體驗好啲，今次個沙律令人失望，但午市牛扒我覺得係抵食嘅，希望餐廳會改善下。