大撈家 (Under Renovation)

今日俾朋友拉左去深水埗買電話卡，晏晝喺附近搵嘢食，近日城中熱話嘅深水埗食魚翅撈飯梗係要試試啦，真係估唔到喺茶餐廳都可以食到咁豪嘅矜貴菜式。先來一個紅燒鮑翅撈，魚翅超大疏，份量多，火候剛好而且入味，足夠2個人分享。海參襟撈配墨魚麵，海參大條入口有膠質感，花菇厚肉入味，墨魚麵Q彈撈埋秘製醬汁，令每啖都可以品嚐到醬汁美味，齒頰留香，同時將撈麵昇華到另一層次。而朝鮮鮑魚湯米線，湯底清甜，鮑魚肉質帶甜香，口感煙韌，米線滑身，索晒湯汁後相當好味。今餐全部食嘅都係矜貴食材，滿足了我哋的味蕾。