炯記手撕雞 (汝州街) (Closed)

燒鵝髀撈粗+凍飲($113): 見到隻燒鵝髀已經知道自己冇嗌錯，鵝髀燒到金黃色，色澤均勻，每一啖都食到啖啖嘅油脂同肉汁，鵝皮燒到脆卜卜，真係好香好滋味。而撈粗亦都好入味，鵝油味夠重，麵質爽口，絕對係必點之選！粟米粉葛雞湯(跟主食$0): 味道清甜，用料十足，少鹽少甜，非常健康，配上燒鵝髀撈粗黎食，完全可以消咗個油膩感。鴛鴦手撕雞腸粉($42): 手撕雞嘅份量好多，雞肉有咬口，夠嫩滑，肉汁鮮甜，麻辣同鹽焗都各有特色，鹽焗手撕雞仲加埋麻油撈埋一齊，十分惹味。而腸粉軟滑有彈性，淋上甜醬、麻醬同芝麻，口感更佳，個人十分推薦！酸辣雲耳($20): 雲耳酸辣惹味，完全係開胃菜式，配上青瓜絲，口感爽脆，酸酸甜甜，完美之作！