金龍冰室 (Closed)

藍白清新既冰家，坐卡位舒服、椅都有適當空間感。食咁多肉前食個油菜啦 $16 擇左生菜有豉油or蠔油擇，都係另上。有半個到，算價值ok！土匪雞翼 $40估唔到有咁多，平時外邊得3隻4隻。雞翼油炸過，香草味係岩岩好，健康口味。雖然重味更好，但油炸過夠香口不易再重咸。冰室叫餐係最抵最快，另外可以配飯、意粉同薯菜。先嚟餐湯！多菜羅宋湯，蕃茄味重配上微辣，咸度適中。黑椒香蒜牛扒拼炸蝦 $85西蘭花有燒烤嘅味道，仲有多汁蕃茄解肥。炸蝦既炸粉多左少少，有食麵包蝦既感覺。牛扒份量好多，兩大片嫁！好薄？不是啦！熟度8成到，唔會上到嚟老、過哂火喉。薯條有軟吸汁入味同脆口d沾蕃茄汁都好，哈哈！但我更愛羊扒喔！紐西蘭羊架拼香草腸 $90好多汁可以揀，例如鮮茄汁、芝士汁、咖喱汁、黑椒汁、燒汁同龍蝦汁！我想擇龍蝦汁，但怕唔岩羊肉。又無蒜汁就擇帶甜味既燒汁。羊架比牛扒份量更重量級，有骨比無既入味同滋味。佢骨位既肉都夠軟，唔會要車d肉出嚟。跟飲品 - 熱檸水同凍華田