大利清湯腩 (Closed)

話說因為細個住附近，對清風街ge食店一直有感情，不過幾呢5年天后大坑一帶華麗轉身，清風街老街坊食店執下一間又一間，仲捱得住ge其中一間就係大利清湯腩啦呢間舖頭同屋企人成日都會嚟食，如果係維園搭巴士就會嚟買外賣，分湯之後20分鐘返到屋企D粉都唔會好似有d舖頭咁斷到一節節，所以咁多年嚟都係我地ge至愛第一次帶朋友嚟食，佢叫左我地通常無叫ge野...點解？要知道，同你係一間舖頭食耐左，其實你叫嚟叫去都係個款..........人，係有惰性ge牛腩撈粗，朋友話好食呢個係我媽媽ge至愛，浸蘿蔔　唔好睇少佢，要知道今時今日係香港，要搵到好食ge蘿蔔唔易，雖然佢清，但係蘿蔔靚，唔會好似出面浸到林灑最後係我ge至愛！！清湯金錢肚河！佢ge金錢肚堅好食，我基本上全港最中意就係呢度ge金錢肚，爽口又唔會韌，河粉皮薄嫰滑但唔會斷，可能食左咁多年有感情，但係我真係全港最中意食佢地ge金錢肚河雖然呢幾年都有加價，但係都接受到，鬼叫成本貴咩（想當年20蚊都唔使，唉）係香港ge老街坊好多都知道逢舊食肆都有段故，天后街就知大利清湯腩其實分左家，咁原因呢，傳聞都係個D囉對於我地呢D小食客就唔好理咁多，總之有得食就得你話