健味粥小廚 (Closed)

這間由健味豬創辦人開設的小廚，前身也是叫健味粥，不過唔知點解改了名叫健味粥小廚。之前他以自家養的鯇魚來煮粥，並且以無菌的健味豬來作食材，可是欣賞的人不多，現在改了名，希望可以增加客源。呢幾日見喉嚨唔係幾舒服，前排又食得多煎炸野，想去食碗粥清一清腸胃，想起咁耐都未食過，於是係OPENRICE 搵，點知已結業，諗住行過去望下，點知又突然改了名重新營業，即時入去試下。店內雖小，人客不多，點了鹵水豬脷、招牌及弟粥及魚腩骨粥，先上的是鹵水豬脷，鹵水味道尚算幾好，唔太咸，亦有一份鮮味，唯獨豬脷有D鞋口，用黎送粥唔錯。招牌及弟粥其實係唔錯架有甜味，不過粥底雖綿，但非常之稀。內裡有豬肚、粉腸、豬潤、豬腰及肉丸，各樣也不錯，可是每樣內臟都切得細細碎碎，煮完後某些內臟過熟，影響了，不過要數最好味的一定是肉丸，說是自家打製的，絕對非常之彈牙，而且大大粒，又有肉味，香料也落得恰到好處，下次必選手打肉丸粥。反之對魚腩骨粥大失所望，本是潮著淋淨水魚的名聲到來，魚粥雖鮮甜，可是魚腩卻非常之多骨，而且又係切得細細碎碎，連大骨都切碎，攪到好多細骨，絕對不碰為妙。但這裡其實是一間非常好的店舖，以健康為主，沒有加入任何味道