黑布小巷 (黑布街) (Closed)

行行下街覺口渴，就想搵下又解渴，感覺又無咁肥嘅茶飲過下口癮，點知係黑布街巷邊見到呢間店舖，除左有好多台式小食之外，仲有冷泡茶。見係同「茶家宅養生茶」聯乘，強調係自家煲製，無加糖同防腐劑，就叫左菊花杞子茶瓜乾茶（$28）試下。呢款菊花杞子茶瓜乾茶話可以清肝明目同改善黑眼圈，有冇效就唔知，但見到都覺得適合我呢種熬夜、眼乾、又長期使用電話同電腦嘅人。由於無糖，呢款苦瓜茶飲落茶底幾香，係有陣少少嘅苦澀味，感覺特別清熱，夏天凍飲都幾適合。