珍心素食豆漿豆腐花專門店 (Closed)

之前已經知道呢間素食店，一直冇機會試，係旺角等客既其間想來個晚餐快速醫肚，經過見到就即刻行入去食。都知佢豆漿豆花出名，不過想食湯麵，就叫左個全素麵套餐$45,包埋杯豆漿。五色全素湯麵，個湯非常地甜，飲得出係蔬菜個種甜味，完全冇味精，配料有菜心，木耳絲，甘筍絲，海草片，粟米粒。可以話味道偏淡，冇乜落鹽，不過我就係鍾意清清甜甜咁，間唔中健康一餐。但我唔知原來有得揀麵底，早知都試下波菜麵啦，食完先知。豆漿我反而冇太大感覺，都係淡淡的，唔太甜。我都會再來食，試埋其他款式