関東酒場 (Closed)

今日去大角咀食日本嘢，一間叫做關東酒場嘅餐廳。關東酒場主打飲清酒，同埋食關東煮，係大角咀區內唯一一間食關東煮嘅地方。餐廳帶有日式和風裝修，好有日本地道居酒屋嘅氣氛。最吸引我嘅地方，係清酒放題，可以一次過試晒唔同味道同埋牌子嘅清酒，一邊飲，一邊品嚐日式關東煮，同埋串燒嘅美味。-清酒除咗最高嗰層，有三層咁多嘅清酒可以隨便任飲，由於對清酒認識唔多，職員都好主動，專業咁介紹唔同種類嘅清酒，配搭唔同口味嘅食物。我哋一共試咗9款清酒，比較喜歡嘅有 : 京都匠，純米大吟釀，淡淡香甜果香，入口微辛。另外比較有印象嘅係 : 作惠乃智純米吟釀，口感清爽順滑微甘，果香濃郁，配上串燒一齊食，一流。-關東煮清酒放題會包括幾款關東煮，極力推介牛筋，牛肚，豬腸，同埋蘿蔔，關東煮湯底非常鮮甜，牛筋牛肚煮得非常之淋，蘿蔔亦都吸晒所有湯嘅精華，好入味，正！-串燒/燒物我哋叫咗一個E set. 清酒蒸蠔同香辣燒蠔兩種唔同口味，兩款同樣可以提升生蠔本身嘅鮮味。蟹膏蟹肉甲羅燒，蟹膏非常濃郁，蟹肉亦都份量多，配上薯片一齊食，送酒簡直一絕。串燒方面，日本和牛串同埋牛舌，都冇令人失望，牛味非常濃郁，每一口都係和牛嘅油脂，令人感動嘅味