燒肉臻 (Closed)

香港人識飲識食, 日本烤肉一向頗受歡迎, 邊吃烤肉邊飲清酒就更有風味。這間日式居酒屋位於尖沙咀萬事昌廣場, 特色是有部啤酒清酒機放於門口, 更有任飲清酒放題, $148價錢對於清酒控來講就相當吸引, 清酒嘅質素都好高。先來番茄蒜子沙律和酒盗薯仔沙律, 口感幾清新, 夠曬開胃, 賣相好精緻, 番茄清香鮮甜。烤肉是主打, 點了鹿兒島A4和牛盛合：三角胸小排, 肉眼蓋和背峰和岩手縣A5黑 毛和牛盛盒：和尚頭 ,貝肉和後腰蓋柳。烤肉都好有質素, 油香肉滑,口感好豐富, 和清酒酒香好配合。海鮮方面, 大大隻活蟶子, 肉厚鮮甜, 肉汁豐富, 加上蔥段, 份外鮮味。南非鮑魚軟熟彈牙, 煙韌有嚼口。甲羅燒蟹膏拌勻燒烤, 肥美嘅蟹膏配以餅乾, 脆香美味。吃完美味烤肉, 還有冰凍鮮甜嘅果味雪葩, 解膩怡神。