Video
Read full review
2016-12-10
804 views
聖誕節，明明氣溫寒冷冰凍，但因為可以同鍾意嘅人一齊共進晚餐而變得溫暖。今次就揀咗灣仔利東街一間餐廳，由星光閃閃嘅大道，再走進浪漫迷人嘅餐廳，品嚐一個完美聖誕晚餐。走上2樓，坐下的環境都可以望到利東街掛著浪漫嘅聖誕燈飾。今晚更叫咗好多特色菜令今個聖誕節更加圓滿。首先叫左一個餐前小食，北海道帶子薄片配三色魚籽青檸輕泡沫。菜式賣相精緻，大廚將厚厚嘅帶子切成薄片再將三色魚籽放在帶子上，加入食用鮮花，就係一個浪漫的開始。菜式就如戀人一樣，只有一齊才會產生化學作用。帶子、三色魚籽、青檸泡沫加埋一齊食，令到食材之間互補不足，由感受到花嘅美麗、再食到帶子嘅彈牙、魚籽嘅鹹香、最後到青檸嘅清新。食完餐前小食就點咗一個龍蝦濃湯。暖暖嘅熱湯就好似熱戀一樣，飲落每一啖味道都係濃郁，而且仲飲到丁點酒香令龍蝦味道更加特出。主菜就叫咗香煎牙魚柳配美國蘆筍杏仁輕泡沫。香煎牙魚非常滑溜就算同朋友傾計傾左好耐亦都唔會乾身鬆散，初嘗杏仁泡沫，估唔到同埋牙魚一齊食係非常之夾，比起一般用嘅忌廉汁更加細膩。食完主菜當然到甜品啦。有人話要找住男人個心，一定要找住佢個胃。但我會話找住女人個心，一定要找住最好嘅甜品。最後我搵到了，原味南
今次就揀咗灣仔利東街一間餐廳，由星光閃閃嘅大道，再走進浪漫迷人嘅餐廳，品嚐一個完美聖誕晚餐。
走上2樓，坐下的環境都可以望到利東街掛著浪漫嘅聖誕燈飾。今晚更叫咗好多特色菜令今個聖誕節更加圓滿。
首先叫左一個餐前小食，北海道帶子薄片配三色魚籽青檸輕泡沫。菜式賣相精緻，大廚將厚厚嘅帶子切成薄片再將三色魚籽放在帶子上，加入食用鮮花，就係一個浪漫的開始。
菜式就如戀人一樣，只有一齊才會產生化學作用。帶子、三色魚籽、青檸泡沫加埋一齊食，令到食材之間互補不足，由感受到花嘅美麗、再食到帶子嘅彈牙、魚籽嘅鹹香、最後到青檸嘅清新。
食完餐前小食就點咗一個龍蝦濃湯。暖暖嘅熱湯就好似熱戀一樣，飲落每一啖味道都係濃郁，而且仲飲到丁點酒香令龍蝦味道更加特出。
主菜就叫咗香煎牙魚柳配美國蘆筍杏仁輕泡沫。
香煎牙魚非常滑溜就算同朋友傾計傾左好耐亦都唔會乾身鬆散，初嘗杏仁泡沫，估唔到同埋牙魚一齊食係非常之夾，比起一般用嘅忌廉汁更加細膩。
食完主菜當然到甜品啦。有人話要找住男人個心，一定要找住佢個胃。但我會話找住女人個心，一定要找住最好嘅甜品。
最後我搵到了，原味南青山蛋糕卷，鮮忌廉質感細綿，口感軟滑，更可嚐到香濃奶香。
Post
