TEA HUB (Closed)

有朋友婚禮喺附近長沙灣嘅教堂舉行，於是約咗另一個friend喺附近搵啲好嘢食啦，就揀咗呢間港女指數爆表嘅tea hub.當時餐廳似乎淨係做緊vegetarian food,所以主食基本上得素食揀。燒雜菜配咖喱蛋包飯賣相非常靚，佢個蛋包飯嘅蛋係好似個swirl咁整得好靚，不過略嫌個蛋唔係好夠「包」晒成個飯，只係「蓋」住啲飯。燒雜菜有薯仔、蘿蔔、三色椒，顏色都幾豐富。不過佢個飯就係白飯，個人會鍾意食茄汁炒飯底嘅蛋包飯多啲，而且呢個飯對於平時係食肉獸嘅人就會dry咗些少，始終都係得啲蔬菜同個咖喱汁送，不過咖喱味道都唔錯嘅伯爵茶戚風蛋糕一向都唔係好鍾意食啲好多cream呀mousse呀嘅cake,遇上chiffon cake/butter cake呢啲basic款蛋糕都會毫無懸念去食，今次試咗佢嘅Earl Grey Chiffon Cake,賣相靚之餘亦都好好食，啲cream食落都唔會好heavy.食落亦有茶香🍵山楂洛神花茶酸酸地幾解滯，飲熱嘢又可以養生啲