1520放題餐廳 (Closed)

同事同事之間原來都好鐘意食雞煲，住係港島的同事介紹左一間銅鑼灣雞煲。話價錢合理味道吾差，最重點係火鍋新鮮材料。今次4個朋友一齊好試試，之前已經BOOK定位，準時7點到達。只有大約1／3人坐係度食野。其實成個格局似韓國韓燒，空間位都好足夠。佢都好快手問我地想要咩雞煲。我地因為一半半人食得辣，因而今次試左小辣。雞煲黎到的時，好多好多芫茜，勁開心！～4個人有一隻雞， 雞件好嫩口，份量都夠，但少辣真係吾辣，但幸好仲好香口。火鍋料真係同同事講一樣，牛肉，豬肉，羊肉都樣樣都好新鮮，墨魚滑同蝦又大又新鮮（必食）。仲有冷門的食品（牛骨髓，䈑筍）木耳又爽口有雪糕（芝麻味）同飲品都有烏龍茶，石榴汁，冬瓜茶之類，選擇都吾少而吾係康師傅甜到爆的飲品但限時2個真係要準時走，待應會叫結帳同拾桌（其實仲有空桌）以銅鑼灣＄168食到火鍋而質素又吾差，絕對想食雞煲而係港島區之選。