Video
Read full review
2023-04-01
78 views
前排約咗朋友去天后附近食野，見到有間專門食鐵板餐嘅餐廳幾吸引，就簡咗呢間餐廳黎食。間餐廳嘅位置有啲隱蔽，可能因為價錢夠實惠，加上味道又唔錯，當日都見到有唔少街坊幫襯。值得一讚，呢間鋪嘅服務都幾貼心，會預備埋膠手套同有冰嘅水俾食客。1. 鐵板霹靂霹靂烤雞(1隻)配薯條之前去過其他西餐廳食過燒春雞，啲肉勁鞋，但係呢間鋪嘅燒春雞比我想像中嫩滑，外皮仲要脆脆地；如果嫌燒雞唔夠汁，仲可以配埋附送嘅檸檬汁同蒜蓉汁，令到味道更加豐富。薯條亦都係新鮮炸好先送上枱，食個陣仲要脆卜卜同熱辣辣！2. 鐵板牛骨髓、牛尾及牛腱 配意粉呢個菜式真係大推；第一次食鐵板原條牛骨髓，上枱前見到廚師會用火槍燒條牛骨髓，所以牛骨髓燒得勁香同埋好容易就刮到出黎，侍應建議我地將牛骨髓同意粉撈埋一齊食，咁就會無咁濟，意粉本身較為淡口，但再加埋牛骨髓，意粉味道更加惹味！牛尾同牛腱亦都炆得好入味，本身以為牛尾都應該無咩肉，點知每舊牛尾都好多肉，仲要每舊都好腍！3. 鐵板芝士焗龍蝦(1隻)扁意粉 龍蝦上枱前，見到廚師會轉登用火槍燒龍蝦表面嘅芝士，啲芝士仲要鋪滿哂隻龍蝦嘅表面；龍蝦都幾大隻，食落仲要都幾多肉同膏，隻鉗嘅肉都好大舊；意粉份
1. 鐵板霹靂霹靂烤雞(1隻)配薯條
之前去過其他西餐廳食過燒春雞，啲肉勁鞋，但係呢間鋪嘅燒春雞比我想像中嫩滑，外皮仲要脆脆地；如果嫌燒雞唔夠汁，仲可以配埋附送嘅檸檬汁同蒜蓉汁，令到味道更加豐富。薯條亦都係新鮮炸好先送上枱，食個陣仲要脆卜卜同熱辣辣！
2. 鐵板牛骨髓、牛尾及牛腱 配意粉
呢個菜式真係大推；第一次食鐵板原條牛骨髓，上枱前見到廚師會用火槍燒條牛骨髓，所以牛骨髓燒得勁香同埋好容易就刮到出黎，侍應建議我地將牛骨髓同意粉撈埋一齊食，咁就會無咁濟，意粉本身較為淡口，但再加埋牛骨髓，意粉味道更加惹味！牛尾同牛腱亦都炆得好入味，本身以為牛尾都應該無咩肉，點知每舊牛尾都好多肉，仲要每舊都好腍！
3. 鐵板芝士焗龍蝦(1隻)扁意粉
龍蝦上枱前，見到廚師會轉登用火槍燒龍蝦表面嘅芝士，啲芝士仲要鋪滿哂隻龍蝦嘅表面；龍蝦都幾大隻，食落仲要都幾多肉同膏，隻鉗嘅肉都好大舊；意粉份量都幾多，味道不過不失，食落幾重蒜蓉味。
Post
