和歌山 (新鴻基中心)

Open Now

Now Closed

每到中午飯時間都見呢間餐廳外面大排長龍，好彩都只係等5-10分鐘就安排入座，環境都幾舒適，係位與位之間比較窄啲，係香港地餐廳多數都係咁，無辦法啦～餐牌上有日式定食、意粉、焗飯、天婦羅、吉列定食等今次同朋友叫左一個海膽醬蟹肉意粉加一個雞豚二重奏定食雞豚二重奏定食即係吉列豬扒加吉列雞扒（有啲似某吉列專門店x吉），吉列做得不錯，炸粉唔會太厚，但略為乾身欠缺肉汁，醬汁有自己磨芝麻加吉列專用醬，意料之內嘅味道。意粉一上菜個陣聞到好香海膽味，賣相吸引，食落有淡淡鮮味，但略嫌個意粉汁太稀，令意粉掛汁度無咁飽滿。整體黎講價錢差不多嘅比較吓似乎定食會出色啲而呢間餐廳特色係可以跟餐叫埋UCC咖啡，不過今次就無試到，見除咗咖啡都仲有果茶等等可以揀，但價錢都稍貴，午餐價格黎講就性價比較低了。