Video
Read full review
2017-04-28
448 views
餐廳環境位置：餐廳為活化建築， 鄰近屋邨， 裝修別具特色， 分為幾個小房格， 每一格都有自己嘅風貌， 例如：舊式班房設計， 港式茶室， 家居擺設 等等。 佢仲有露天茶座位置， 俾鍾意同陽光玩遊戲嘅朋友坐添。 未食嘢先影相飽 都算係佢最大嘅特色。 食物飲品：既然以冰室為主題， 當然唔少得各式各樣分時段嘅餐牌 ，方便快速嘅香港人容易選擇食啲乜。 大路嘅焗飯炒嘢，另加一啲新式嘅fusion菜式， 都係一啲唔難想像到嘅香港嘢食， 切合餐廳主題。飲品方面，傳統嘅紅豆冰， 佢花咗少少心思 ，用咗支裝維他奶畀你自己mix。 另有各大cafe提供嘅咖啡飲品，俾鍾意咖啡奶茶嘅人士。食物賣相睇得， 食落味道仲唔錯添。餐廳服務：餐廳以自助形式， 去收銀買飛 ，然後佢畀個電子板你， 咁你就可以坐埋位同人吹水。 等個電子板響 ，之後先出去拎嘢食 ，有啲似係foodcourt咁啦。收餐都係自己放返好個托盤， 好似學校飯堂咁， 所以都冇乜機會同侍應生交流， 好處係佢哋都唔會阻住你嘅， 可以好舒服咁同朋友聚下。整體感覺良好。衛生情況：座位衛生良好， 裝修新淨 ，廁所行出少少就到啦。 間嘢星期日去到人流量都算多，一切都
餐廳為活化建築， 鄰近屋邨， 裝修別具特色， 分為幾個小房格， 每一格都有自己嘅風貌， 例如：舊式班房設計， 港式茶室， 家居擺設 等等。 佢仲有露天茶座位置， 俾鍾意同陽光玩遊戲嘅朋友坐添。 未食嘢先影相飽 都算係佢最大嘅特色。
食物飲品：
既然以冰室為主題， 當然唔少得各式各樣分時段嘅餐牌 ，方便快速嘅香港人容易選擇食啲乜。
大路嘅焗飯炒嘢，另加一啲新式嘅fusion菜式， 都係一啲唔難想像到嘅香港嘢食， 切合餐廳主題。
飲品方面，傳統嘅紅豆冰， 佢花咗少少心思 ，用咗支裝維他奶畀你自己mix。 另有各大cafe提供嘅咖啡飲品，俾鍾意咖啡奶茶嘅人士。
食物賣相睇得， 食落味道仲唔錯添。
餐廳服務：
餐廳以自助形式， 去收銀買飛 ，然後佢畀個電子板你， 咁你就可以坐埋位同人吹水。 等個電子板響 ，之後先出去拎嘢食 ，有啲似係foodcourt咁啦。
收餐都係自己放返好個托盤， 好似學校飯堂咁， 所以都冇乜機會同侍應生交流， 好處係佢哋都唔會阻住你嘅， 可以好舒服咁同朋友聚下。
整體感覺良好。
衛生情況：
座位衛生良好， 裝修新淨 ，廁所行出少少就到啦。 間嘢星期日去到人流量都算多，一切都保持乾淨企理，自助服務餐廳計，都算唔錯。
價錢：
餐廳午間價錢大眾化， 就算係晚餐都唔算太貴， 實在係有冰室嘅風範。 又食得又影得都幾好。
整體感覺：
餐廳位置深水埗石硤尾中間位置， 需步行少少， 但容易找到。
裝修別具特色， 影相影不停。
食物有本地風範， 而且味道唔錯。
有包裝，有內涵， 屬於同朋友相聚傾計食嘢嘅好地方， 仲有機會畀你同朋友講返舊事嘢添。
13 views
0 likes
0 comments
Post
