Video
Read full review
2023-05-27
1396 views
今日帶大家嚟到銅鑼灣中心地帶，Fashion Walk後街嘅小巷嘅一間冰室。假日嚟到都冇咩人流唔駛等位。紅白格子枱布配傳統嘅圓桌，仲有扮巴士嘅區域係紅色嘅卡位梳化位置，到處都放滿咗香港唔同地區嘅招牌，好有香港文化嘅感覺。距離銅鑼灣地鐵站5分鐘步程，餐廳都算好闊落，分為室內同室外區域， 呢個夏天周圍都好悶熱，入到嚟即刻覺得好涼爽，冷氣都幾夠！（怕凍嘅朋友，記得帶件外套仔）其實之前每次經過銅鑼灣都約朋友嚟呢間冰室食下午茶，今次就嚟試吓佢嘅鐵板燒同其他單點菜單。朋友點咗鐵板西冷扒加一杯熱奶茶，跟餐叫咗個意粉同蒜蓉汁，鐵板燒得夠熱落汁「咋咋」聲，西冷扒份量都算幾大份，配埋牛油西蘭花同菠蘿（罐頭甜味），意粉本身加咗調味同整得幾爽口，熱奶茶幾香滑！另一位朋友叫咗一個焗肉醬意粉，應該係用免治牛肉同豬肉整成，略嫌醬汁不足，但味道都幾濃郁，份量就一般都夠食。我點嘅係雞批浮台~雞批菠菜蓉湯，雞批好大一個放在菠菜蓉湯嘅中心，熱辣辣嘅雞批食到忌廉雞蓉同雞肉口感與香味，酥皮嘅表面好酥脆，配埋菠菜蓉湯真係意外地夾同香滑。特飲黑牛係分開叫，雪糕份量幾足，要分幾次倒可樂入去飲，啱晒呢個天氣飲！我另外再叫咗一份香煎法蘭
今日帶大家嚟到銅鑼灣中心地帶，Fashion Walk後街嘅小巷嘅一間冰室。假日嚟到都冇咩人流唔駛等位。
紅白格子枱布配傳統嘅圓桌，仲有扮巴士嘅區域係紅色嘅卡位梳化位置，到處都放滿咗香港唔同地區嘅招牌，好有香港文化嘅感覺。距離銅鑼灣地鐵站5分鐘步程，餐廳都算好闊落，分為室內同室外區域， 呢個夏天周圍都好悶熱，入到嚟即刻覺得好涼爽，冷氣都幾夠！（怕凍嘅朋友，記得帶件外套仔）其實之前每次經過銅鑼灣都約朋友嚟呢間冰室食下午茶，今次就嚟試吓佢嘅鐵板燒同其他單點菜單。
朋友點咗鐵板西冷扒加一杯熱奶茶，跟餐叫咗個意粉同蒜蓉汁，鐵板燒得夠熱落汁「咋咋」聲，西冷扒份量都算幾大份，配埋牛油西蘭花同菠蘿（罐頭甜味），意粉本身加咗調味同整得幾爽口，熱奶茶幾香滑！
另一位朋友叫咗一個焗肉醬意粉，應該係用免治牛肉同豬肉整成，略嫌醬汁不足，但味道都幾濃郁，份量就一般都夠食。
我點嘅係雞批浮台~雞批菠菜蓉湯，雞批好大一個放在菠菜蓉湯嘅中心，熱辣辣嘅雞批食到忌廉雞蓉同雞肉口感與香味，酥皮嘅表面好酥脆，配埋菠菜蓉湯真係意外地夾同香滑。
特飲黑牛係分開叫，雪糕份量幾足，要分幾次倒可樂入去飲，啱晒呢個天氣飲！
我另外再叫咗一份香煎法蘭西多士，其實真係有少少失望，因為西多嘅厚度非常之薄，一般舊式西多係會用兩層麵包片夾住花生醬再以雞蛋漿攞去煎/炸，首先唔夠香脆，而且感覺唔到誠意，不過我都另外叫佢俾奶醬我配嚟食，味道是ok 可以接受。
其實以冰室價錢佢都係偏貴，不過座落銅鑼灣中心點，都算情有可原 ，只是真心可以再俾多少少誠意先會吸引到顧客。
Post
