真姐港台美食

Open Now

Now Closed

駱駝漆大廈真係又多嘢睇又多嘢買，行得耐咗就想買啲小食，就幫襯吓呢間真姐港台美食。早餐時段有套餐供應，今時今日嘅物價算係幾抵食。港式小食當然唔少得煎釀三寶，$20/5件，$30/8件，我每款要咗一件，食物新鮮，魚肉都彈牙。 行到鋪外已經聞到香噴噴嘅惹味牛雜，都好多人幫襯。陳皮魚蛋有辣有唔辣，熱辣辣又夠大粒。炸魷魚鬚同一般食開嘅做法有啲唔同，而佢嘅魷魚鬚特別大條，所以勁爽口。生菜魚肉嘅魚肉相對就比較腍身，勝在湯底夠鮮味。魚肉同生菜嘅份量都唔少。呢度仲有台式小食，爆漿芝士蛋餅入面有滿滿嘅芝士，真係會爆曬出嚟。肉鬆粢飯就買嚟第二日做早餐，入面都係爆曬餡。呢度位置夠晒方便，行開觀塘都可以幫襯吓。