輝哥私房菜 (Closed)

之前黎親都一大班朋友，今日見開始秋天，又涼涼地，咁就第一次帶媽咪黎食啦。一到步，除左比壺茶你嘆，仲即刻比個調味盤你自己調出想要ga醬料等陣用。裝飾有彩色旗仔，值得一讚係每枱都隔開幾遠，有足夠空間私隠，比你密密斟。白蘿蔔切得好細心，薄薄的，容易滾熟，好清甜！出面好少有ga 黑柏葉，十分爽口又新鮮九菜餃，我同媽媽都好喜歡！勁大隻又足料本地手切肥牛，兩個人所以叫個細，牛肉好嫰滑。招牌炸響鈴，係即叫即炸，超級超級鬆化！