嘉樂冰廳 (U PLACE) (Closed)

老朋友成功上車搬去土瓜灣，新居入伙後，今日放工過去探吓佢，晚上去咗樓下嘉樂冰廳食晚飯，冰廳新開不久，裝修新淨，燈光明亮，有懷舊風味！主打的一系列茶記美食。港式什扒：豬扒、雞扒、腸仔火腿配沙嗲汁和飯：豬扒和雞扒都夠大塊又夠厚，肉質唔會鞋，配沙嗲汁好惹味。鮮蝦雲吞麵，雲吞皮薄滑口，餡料鮮味，鮮蝦爽口，生麵彈牙。南乳豬手河粉加魚片頭，豬手入味又夠林，南乳味道濃郁。魚片頭爽口彈牙，河粉滑溜。超厚夠吋雞蛋治，蛋治超多蛋，蛋睇得出好滑嫩，熟度剛剛好，嫩嫩地食落濕潤啲。紅豆雪糕西多士，西多係麵包加入蛋漿炸成，口感厚身且不太油膩，中間還有一層花生醬餡，吃起來香氣十足，面層再配上綿密的紅豆和甜美的雲呢拿雪糕球，簡直完美的配搭。鹹檸七味道鹹甜交雜，冰涼可口。雪糕紅豆冰，紅豆冰味道清甜，配雪糕更香滑。