荔香園冰室 (Closed)

去旺角做facial又順便去附近搵食，見到呢間裝修幾特別好懷舊，朋友又話想食西多😂，所以就去左試。因為時間尚早所以都無咩人，可以坐卡位🖖。🔅澳門特級豬扒菠蘿包 ($42)菠蘿包層牛油皮好脆，包唔會太厚，夾住2塊豬扒，要厚到要拎走塊豬扒分開食先得🤣。加埋少少菜同生洋蔥，好爽口，汁就甜甜地，食完個包其實都飽飽地🙈。🔅瑞士巨脾配薯條 ($42)平時好鐘意食瑞士汁雞脾，配埋薯條好滿足😎。雞脾唔算好大隻但都幾入味，薯條份量都幾多，都炸到好脆。🔅芝士流心厚西多士 ($38)西多士一拎到黎已經聞到好香！夾左2層芝士，雖然未過好流心，不過幾濃芝士味，又唔算好膩，收貨！。🔅全日早午餐 ($68)冰室版all day breakfast都好豐富，雞扒都大大塊，又有火腿滑蛋腸等等，份量都幾多又唔算貴。🔅Oreo朱古力朱古力都幾大杯，面頭都有唔少oreo碎，不過記得撈勻先飲💛。💬Menu選擇都幾多，價錢唔算貴，上菜速度都幾快，舖頭仲會播好多舊歌😂，好想帶老豆黎食🤣 🤣。