Video
Read full review
2006-04-20
9 views
装修大半年的商場，雖然還未全部完工，但係已經有好多商舖開業。因為商場靚咗，所以好多市中心及市區的商舖食肆都紛紛進註，所以我地碼頭區住客唔使去市中心或市區，都可以在此品嘗一些較為高少少層次的食品，唔使永遠都係快餐或茶餐廳。預備輪流試昀每一間餐廳，今次就選中呢間。因為要等小兔教完琴先去食，所以去到己經下午三點。有下午茶餐供應，我地兩人各叫一個，小兔要了雜銱海鮮赤麵，我要了义燒墨鱼拉麵。餐到後本想影相，可惜賣相唔吸引，所見倒的海鮮麵祗有八爪魚仔同鳴門卷，同餐牌張相有好大出入，不過小兔食食吓先發覺係Ｄ麵底仲有青口、炸魚同凡立貝，覺得好好笑，点解個厨師唔將所有餸放係麵上面，咁就有睇頭得多啦。跟餐仲有炸蝦一件，兩粒三文魚粒壽司同一件蝦壽司，仲包一杯飲品添。個义燒拉麵就有海帶、鳴門卷、义燒三片同兩粒墨魚仔，個墨魚仔好硬，消化力唔夠就唔好食啦，义燒都幾腍，算係咁啦，拉麵就食得出唔係即時手打嘅，幸好都冇梘水味，跟餐都係個三舊壽司，我地就一路食一路懷念緊「橫綱」。飲品我地都係要熱啡，本來一路食麵都覺得冇乜驚喜，都係港產大路貨，Ｄ壽司就係超市貨式，冇乜味道，唸住杯架啡都係大快樂貨式，點知出奇地好，咁梗唔係架
因為要等小兔教完琴先去食，所以去到己經下午三點。有下午茶餐供應，我地兩人各叫一個，小兔要了雜銱海鮮赤麵，我要了义燒墨鱼拉麵。
餐到後本想影相，可惜賣相唔吸引，所見倒的海鮮麵祗有八爪魚仔同鳴門卷，同餐牌張相有好大出入，不過小兔食食吓先發覺係Ｄ麵底仲有青口、炸魚同凡立貝，覺得好好笑，点解個厨師唔將所有餸放係麵上面，咁就有睇頭得多啦。跟餐仲有炸蝦一件，兩粒三文魚粒壽司同一件蝦壽司，仲包一杯飲品添。個义燒拉麵就有海帶、鳴門卷、义燒三片同兩粒墨魚仔，個墨魚仔好硬，消化力唔夠就唔好食啦，义燒都幾腍，算係咁啦，拉麵就食得出唔係即時手打嘅，幸好都冇梘水味，跟餐都係個三舊壽司，我地就一路食一路懷念緊「橫綱」。
飲品我地都係要熱啡，本來一路食麵都覺得冇乜驚喜，都係港產大路貨，Ｄ壽司就係超市貨式，冇乜味道，唸住杯架啡都係大快樂貨式，點知出奇地好，咁梗唔係架啡專門店果種啦，不過咁嘅食肆，咁嘅價錢，已經算係咁啦。估唔到食日本餐最滿意嘅竟然係杯西式架啡，好諷刺啊！本來呢度面對海景應該就好寫意，不過座位窄，我地被安排係兩枱之間，同搭枱冇分別，隔離枱走果陣仲要成張枱搬開先出得去，我唸暫時都唔會再幫趁住啦！
Post