荳號 (花園街) (Closed)

同朋友旺角食完飯，路經花園街口渴想飲嘅，見到呢間手搖店，融入香港本土文化，將港式糖水放入手搖杯，可以一路行一路飲糖水!!!唔使坐定定就食到糖水，幾新奇有趣(⁎⁍̴̛ᴗ⁍̴̛⁎)有芒椰小丸子、腐竹雞蛋冰號、喳咋糖水、紫米荳乳等。☁️港式爆檸紅茶 $32熱門推介，最近好興新式檸檬茶。荳乳嘅爆檸紅茶好清新，入口好香檸檬茶味，少少澀好正!!!本身有椰果，口感更好!!☁️紫米荳乳 $34熱門推介，本身好喜歡食紫米糖水。紫米煮到淋身，好有咬口。用豆乳取代傳統椰汁，紫米味道香濃，同豆乳好夾。📌飲品有繩綁住可以手拎，方便一路行一路飲!!