金記冰室 (元朗廣場) (Closed)

是日風和日麗，山長水遠入到元朗，行咗陣元朗公園，感受大西北嘅寧靜氣氛。入得嚟元朗，梗係要搵好嘢食啦，不過今次我地冇幫襯到嗰間出名嘅甜品鋪，反而去咗幫襯冰室。最近新開咗間專食南洋料理嘅，但係我地嗰晚唔想食住，所以就去咗隔離嘅金記幫襯咗個二人套餐。我地揀咗鹽焗雞同埋咕嚕肉，味道尚可，雞肉都頗嫰滑，只係略嫌份量少咗啲，兼且咕嚕肉似乎冇乜肉，只係脆漿加啲肥豬肉，咬落去完全食唔到有肉嘅質感。反而係個中湯同埋杯熱杏霜較為出色，為是日嘅晚餐劃上完美句號！