Video
Read full review
2023-07-24
272 views
嚟新都城探朋友，順便一齊食晚飯。地頭蟲推薦商場地下呢間充滿本土情懷嘅街坊茶餐廳「六十年華」。餐牌選項非常多元化，由炒粉麵飯、小菜、鑊氣小炒、燒味，以至鐵板餐等，應有盡有。我哋點咗燒味三拼 ($93)、招牌鮮鳳梨咕嚕肉 ($78)、鹹魚茸煎肉餅 ($70) 同 椒鹽新鮮鮮魷 ($88)。原來食滿 $168 仲會免費送碟蒜蓉炒時蔬。小菜 +$10 可配絲苗白飯及老火靚湯，今日嘅老火湯係冬瓜薏米豬骨湯，碗湯好好飲，消暑祛濕、清熱生津。燒味三拼揀咗叉燒、腩仔同油雞，聽朋友講呢度嘅燒味全部都係現場自家烤爐燒製，保證新鮮。叉燒肥瘦適中、腩仔皮脆肉嫩、油雞肉滑有彈性，豉油味香而不膩。碟鹹魚茸煎肉餅亦很有驚喜，煎得好香好入味，而且食落口唔會乾爭爭，仍有肉汁，加上入面嘅鹹魚茸，鹹香惹味。另外呢碟咕嚕肉用料亦非常講究，以新鮮半肥瘦豬肉炮製，入口外脆內軟，鳳梨果肉酸酸甜甜，加上擺盤非常精美，色彩繽紛，絕對係佐飯佳品！鮮魷即點即炸，送上時仍熱辣辣，鑊氣十足，食落彈牙香口，鬆化又唔油膩，而且最正係加咗好多香脆嘅腰果做配料，用嚟送飯一流。免費送嘅蒜蓉白菜仔亦做得一點也不馬虎，白菜仔好鮮嫩，入口唔會有渣，而且用蒜
嚟新都城探朋友，順便一齊食晚飯。地頭蟲推薦商場地下呢間充滿本土情懷嘅街坊茶餐廳「六十年華」。
餐牌選項非常多元化，由炒粉麵飯、小菜、鑊氣小炒、燒味，以至鐵板餐等，應有盡有。
我哋點咗燒味三拼 ($93)、招牌鮮鳳梨咕嚕肉 ($78)、鹹魚茸煎肉餅 ($70) 同 椒鹽新鮮鮮魷 ($88)。原來食滿 $168 仲會免費送碟蒜蓉炒時蔬。
小菜 +$10 可配絲苗白飯及老火靚湯，今日嘅老火湯係冬瓜薏米豬骨湯，碗湯好好飲，消暑祛濕、清熱生津。
燒味三拼揀咗叉燒、腩仔同油雞，聽朋友講呢度嘅燒味全部都係現場自家烤爐燒製，保證新鮮。叉燒肥瘦適中、腩仔皮脆肉嫩、油雞肉滑有彈性，豉油味香而不膩。
碟鹹魚茸煎肉餅亦很有驚喜，煎得好香好入味，而且食落口唔會乾爭爭，仍有肉汁，加上入面嘅鹹魚茸，鹹香惹味。
另外呢碟咕嚕肉用料亦非常講究，以新鮮半肥瘦豬肉炮製，入口外脆內軟，鳳梨果肉酸酸甜甜，加上擺盤非常精美，色彩繽紛，絕對係佐飯佳品！
鮮魷即點即炸，送上時仍熱辣辣，鑊氣十足，食落彈牙香口，鬆化又唔油膩，而且最正係加咗好多香脆嘅腰果做配料，用嚟送飯一流。
免費送嘅蒜蓉白菜仔亦做得一點也不馬虎，白菜仔好鮮嫩，入口唔會有渣，而且用蒜蓉炒得好香。
Post
