Video
Read full review
2022-10-05
3172 views
你有冇去過戲曲中心入面嘅古色古香的茶室風情？我對戲曲興趣不大，不過就因為之前呢度出左個芫茜麵而特登走過食下午飯，上次食過已經覺得呢度嘅水準唔錯，但今次食埋粵菜之後就更加深刻。餐廳典雅嘅裝修當然唔使講，你嚟到就自然可以影下嗰個好出名嘅打卡位「牡丹亭」，最重要係佢嘅食物好有心機作出特別二次創作，用上唔同嘅世界食材，而加上經典嘅粵菜精粹手法，今晚食嘅菜式就深刻體現到呢個特色。 第一個上的焦糖菠蘿黑毛豬叉燒已經深刻體驗，燒到又香又有焦糖感嘅菠蘿配上西班牙來嘅黑毛豬，好有特色，甜同鹹嘅夾雜，有細個小時侯嘅BBQ感覺。自我飲過呢個咁補嘅姬松茸燉野生水鴨湯後，我就愛上了水鴨，之後去潮州菜都特登揀返飲野生水鴨煲嘅湯，呢個燉左五到六個鐘頭，加上大量嘅姬松茸，好甜好滋補，唔經唔覺你會至少飲三碗以上。本想點歌樂山辣子雞，但店方話歌樂山辣子波士頓龍蝦仲好食，咁仲好，呢個辣真係唔係個個接受得到，不過龍蝦完全沾上了唔同材料同辣椒嘅香，加上好多腰果伴碟，食到停唔到口，如果可以送一杯啤酒應該更好。勁大碟嘅濃湯酸菜龍躉球真係嚇死人，你以為係個碗大嚇親你，其實佢入面嘅龍躉球每件都好大件，加上大量嘅芽菜同埋薯粉，不過唯一嘅
你有冇去過戲曲中心入面嘅古色古香的茶室風情？我對戲曲興趣不大，不過就因為之前呢度出左個芫茜麵而特登走過食下午飯，上次食過已經覺得呢度嘅水準唔錯，但今次食埋粵菜之後就更加深刻。
餐廳典雅嘅裝修當然唔使講，你嚟到就自然可以影下嗰個好出名嘅打卡位「牡丹亭」，最重要係佢嘅食物好有心機作出特別二次創作，用上唔同嘅世界食材，而加上經典嘅粵菜精粹手法，今晚食嘅菜式就深刻體現到呢個特色。
第一個上的焦糖菠蘿黑毛豬叉燒已經深刻體驗，燒到又香又有焦糖感嘅菠蘿配上西班牙來嘅黑毛豬，好有特色，甜同鹹嘅夾雜，有細個小時侯嘅BBQ感覺。
自我飲過呢個咁補嘅姬松茸燉野生水鴨湯後，我就愛上了水鴨，之後去潮州菜都特登揀返飲野生水鴨煲嘅湯，呢個燉左五到六個鐘頭，加上大量嘅姬松茸，好甜好滋補，唔經唔覺你會至少飲三碗以上。
本想點歌樂山辣子雞，但店方話歌樂山辣子波士頓龍蝦仲好食，咁仲好，呢個辣真係唔係個個接受得到，不過龍蝦完全沾上了唔同材料同辣椒嘅香，加上好多腰果伴碟，食到停唔到口，如果可以送一杯啤酒應該更好。
勁大碟嘅濃湯酸菜龍躉球真係嚇死人，你以為係個碗大嚇親你，其實佢入面嘅龍躉球每件都好大件，加上大量嘅芽菜同埋薯粉，不過唯一嘅缺點係個湯酸咗少少，但我個人都很喜歡。
遊園燒鵝沒有花式跳水，只係努力造出一個好成績，燒鵝皮脆到不得之了，加上了肥美嘅燒鵝肉，點下個醬汁，送碗飯就適合。
梅菜蒸菜心，條條菜心都好粗，你以為會好老，對唔住全枱都一致讚好。
家鄉蓮藕餅，好大件，雖然我唔係好鍾意蓮藕，但係又幾好食。
今天不吃芫荽麵，因為有個招牌台山黃鳝煲仔飯，如果你好此度，你一定要食，之前曾經喺深水埗之前曾經喺深水埗聚友食過勁美味的黃鳝飯，呢到粒粒飯都招上強烈嘅焦香，加上紅棗香，勁大件嘅黃鱔，好令人著迷。如果下次再嚟，我相信唔係因為芫茜麵，係因為呢個台山黃鱔煲仔飯。
甜品又係大驚喜，桑寄生蓮子蛋茶嘅足料同好飲之程度，同永年麵家，源記甚至澳門好出名嘅伯伯有得揮，亦都係不能錯過嘅甜品。
另外，老婆點左杯奶茶雪糕涼粉紅豆冰，聽個名都不得了，解辣一流。
之前我以為呢間餐廳只係食普通嘅粤菜，原來我都真係誤解好深，下次值得同朋友嚟試多幾款唔同嘅菜式。
Post
