Video
Read full review
2019-04-09
1706 views
星期日Honey要返工，執完屋無所事事又想去吓兜風，但又唔想自己一個人，於是就打比朋友約埋一齊去遊吓車河，但齋遊又好似悶咗D，於是就同朋友提意去食埋個下午茶，諗下諗下好似好耐冇去過榮昌茶座，又可以遊車河，又可以食到下午茶之餘又睇到部車，簡直係出奇蛋！先去土瓜灣接朋友A，再去紅磡接埋朋友B，加加埋埋都用咗成45分鐘時間先入到去粉嶺。幸運之神經常眷顧我，去到剛剛有位泊車之餘行到去茶座剛剛又有客人走，又可以即刻有位坐！三個福祿壽一齊喺度研究緊個餐牌，朋友A問我食咩好，我就介紹咗煎雞尾包俾佢；朋友B問我菠蘿油好定煎菠蘿包好，我就話菠蘿油出邊通街都可以食得到，咁佢就叫咗煎菠蘿包啦。而我就點左個白汁碎蛋牛角包，另外在點左一份薯條同埋一份雞翼，幾樣嘢食大家一齊撈亂食...應該係開心share至真！嘢食好快就到，先來咗個煎雞尾包，好老實講，隻叉一督落去就已經覺得失望，想當年黎食嘅時候佢哋會將個包煎到個面好脆，但今次後食，唔知係咪食客太多而要趕起貨比人，個感覺只係壓扁咗嘅雞尾包，如果係咁，我喺屋企樓下個麵包舖用$20可以買五個返黎壓扁佢。菠蘿包如是...好彩我叫白汁碎蛋牛角包無伏，牛角包好鬆軟，我地三人
先去土瓜灣接朋友A，再去紅磡接埋朋友B，加加埋埋都用咗成45分鐘時間先入到去粉嶺。
幸運之神經常眷顧我，去到剛剛有位泊車之餘行到去茶座剛剛又有客人走，又可以即刻有位坐！
三個福祿壽一齊喺度研究緊個餐牌，朋友A問我食咩好，我就介紹咗煎雞尾包俾佢；朋友B問我菠蘿油好定煎菠蘿包好，我就話菠蘿油出邊通街都可以食得到，咁佢就叫咗煎菠蘿包啦。
而我就點左個白汁碎蛋牛角包，另外在點左一份薯條同埋一份雞翼，幾樣嘢食大家一齊撈亂食...應該係開心share至真！
嘢食好快就到，先來咗個煎雞尾包，好老實講，隻叉一督落去就已經覺得失望，想當年黎食嘅時候佢哋會將個包煎到個面好脆，但今次後食，唔知係咪食客太多而要趕起貨比人，個感覺只係壓扁咗嘅雞尾包，如果係咁，我喺屋企樓下個麵包舖用$20可以買五個返黎壓扁佢。
菠蘿包如是...
好彩我叫白汁碎蛋牛角包無伏，牛角包好鬆軟，我地三人一至都認同最好味係白汁碎蛋牛角包。
薯條都好味（其實只要唔係金拱門嘅薯條都好好味）
另外仲有豉油雞翼，雞翼好滑但係個味道就唔夠入味，只係得外表有味。
差啲唔記得咗講埋嘢飲，我叫咗杯雪糕紅豆冰，都未到就揀咗朱古力，朱古力雪糕入邊加埋杏仁都幾好味，另外紅豆都算大粒有咬口，又唔會太過甜，幾好。
今餐下午茶都不過不失啦，有好有唔好。
Post
