PALA (Closed)

灣仔廈門街有一間意大利餐廳，外牆白色非常吸引，呢間小店面積不太大，但係有一種溫暖的感覺。呢度老闆同埋廚師都係意大利人，喺呢度你一定會食到正宗嘅意大利菜。打開餐牌，發現佢哋有中英對照，非常貼心，因為中環灣仔區好多外國人開的餐廳大部份都係全英文好少翻譯中文。Pizza 🍕 每間餐廳都有佢哋特色，尤其係佢哋嘅餅底。我叫左 Arrabbiata 辣肉腸蕃茄意大利薄餅(12”) $178。 意大利辣肉腸非常香，比一般的大，放上紅綠辣椒🌶️粒更惹味，mozzarella cheese 🧀 滿滿，再加上自家製橄欖油更提升味道。Tagliatelle Al Mare 龍蝦汁海鮮闊扁麵 $198， 香濃嘅龍蝦汁+闊麵，一定要讚佢個麪，蛋味濃，又煙韌。配上新鮮爽口的蝦肉及紅蝦尾，好juicy 又美味。另外兩杯飲品，分別有Sunset Cooler $70 & Peach 🍑 Mojito $98 又清新又好飲。佢哋服務有親切，戴住口罩都感到佢哋嘅笑容，因為呢度地方不大好快就坐滿，所以你哋去最好預先訂位咁就唔需要等啦。