車仔麵之家 (Closed)

素聞這間車仔麵在灣仔好出名，最近在北角開了分店，特地來試試。裝修企理簡潔，地方尚算寬敞。自助形式，先買飛，然後自己取食物。㸃了幼麵配墨魚條、魷魚、大腸、酸齋、福州丸和墨魚腐皮卷。墨魚條幾得意似腸仔，咖哩魷魚爽口惹味，大腸唔係雪藏貨，入味又彈牙，酸齋外脆內軟的，酸酸甜甜幾開胃，其他配料和湯底都唔錯。服務態度又好，重送了枝汽水給我食過咁多間🚗仔麵，可以話係最好味的其中之一呀！忘記了加辣醬😅！聽說這裡的辣醬超香辣惹味的，下次來一定要試下。