千樂燒味餐室 (Closed)

港式點心、雲吞麵同燒臘飯，真係世界各地都唔及香港嘅好味！M佬話如果豆腐火腩飯係男人嘅浪漫，咁燒臘飯就絕對係大叔的愛！咩呀？我A姐都好鍾意食叉燒飯，絕對係我嘅comfort food！今日我哋嚟到灣仔嘅千樂燒味餐室，試試佢嘅燒味飯啦。師傅叉燒飯叉燒係每間燒臘店嘅靈魂，如果佢嘅叉燒贏到觀眾嘅心，咁呢間燒臘店已經成功咗一半喇。千樂燒味餐室嘅叉燒都唔錯，肥瘦度適中，好軟腍，仲有蜜糖嘅香甜味，如果可以做到微燶焦香就更加完美。豉油雞飯豉油雞好嫩滑，豉油味香濃，連雞皮都忍唔住食埋！青紅蘿蔔煲豬骨湯老火靚湯，每日唔同款，味道清甜，最重要係無味精。椰林飄雪飄雪？仲以為係凍嘅甜品，原來係指植物燕窩，加埋椰奶，暖笠笠，唔太甜，激讚！