牛霸小麵店 (Closed)

前排去咗同喺灣仔番工既朋友食飯，朋友就推介咗位於灣仔天樂里嘅台式餐廳 ，餐廳位置有啲隱蔽，裝修都幾特別以工業風為主題，座位夠寛闊，牆身仲掛上霓虹燈做裝飾，感覺幾Chill🖤餐廳最近午市晚市85折，外賣8折✨🥩牛三寶牛肉麵 $70 見網上唔少人推介佢哋既牛三寶，紅燒湯底都幾香，牛三寶係牛肚、牛腩、牛𦟌😀小編特別喜愛牛𦟌，牛味都幾濃，麵質就比較淋身，如果可以硬身啲會更好😊🍜豬軟骨麻辣乾拌麵 $70本身餐牌係跟蕃茄湯，今次就轉咗乾拌麵試吓，拌麵都幾彈牙，仲有幼細青瓜絲做配料，有助平均番個油膩感，都幾好食🫔台灣夜市拼盤 $48另外諗住試多啲唔同小食，拼盤內有花枝丸、路邊小香腸、鹽酥雞同炸豆腐🤪炸豆腐幾特別，外皮香脆，配埋泰式辣醬酸酸甜甜好開胃🌶🍆秘制小茄子 $35有冇朋友仔同小編一樣都鐘意食茄子呢？呢個小食值得一試！茄子淋上獨有嘅秘製醬汁，加埋肉鬆一齊食更有口感，食落去都好開胃🍹百香椰果冰茶 +$10 飲落幾清新，入面都幾多椰果粒，唔算太甜有助解膩🧋珍珠奶茶 (+$10) 奶味較重 珍珠有咬口 小編覺得如果茶味可以濃啲會更好