島.聚 (Closed)

灣仔區新舊兼融，喺我最喜歡的地區之一。今日同朋友喺平日下午到這間cafe食lunch，感覺悠閑，食物亦有質素，性價比頗高。午飯時間有all day menu同daily menu，大部分都只係七八十蚊。我點了黑松露雞肉忌廉野菌炒意粉，每一條意粉都沾滿香濃的黑松露醬，伴以嫩滑雞肉同三款野菌，很對胃口！朋友點了辣茄醬煙三文魚海鮮意大利粉，想不到海鮮有驚喜，除了煙三文魚，還有大蝦及青口，食落仲好有鮮味，配埋辣茄醬更加開胃。餐廳環境安靜清新，仲有唔少電掣位俾客人叉電，無論係一個人用notebook做嘢，定係同朋友相聚，都係一個唔錯嘅地方。