Video
Read full review
2019-09-02
81 views
以重慶火鍋作為招牌的火鍋店。店舖位置亦十分方便，地鐵站行過去都只係5分鐘左右。店舖既裝修以中國古代風格為主調，牆上既裝飾亦非常迎合”碼頭”既主題，琳瑯滿目既舊式筲箕掛左係牆上供客人欣賞。我地叫左重慶麻辣火紅鍋拼松茸鍋($88+$88)，雖然同行既朋友都唔係咁鍾意食辣，但一心黎到就點都要試一試。鋪頭亦都十分貼心有4個程度比我地揀(微辣/小辣/中辣/大辣)，而我地叫左小辣試下。冇幾耐湯底就到左，老闆好窩心提我地唔好咁快將食材放入鍋中，要我地先試一試那菌香四溢既松茸湯。松茸湯以日本頂級松茸、羊肚菌及茶樹菇，加以豬骨、豬蹄、排骨、老雞等熬煮六個小時而成，可以講得上係落足心機，亦都令個湯十分滋補。係未打邊爐之前先飲一碗亦都夠晒味道。而另一邊既麻辣大紅鍋以鮮牛油及多種辣椒炒製而成，連同重慶豆瓣醬及三十多種中藥材，配上煮製好的辣椒醬，炒香後煲五個鐘頭，配合濃郁既豬骨湯底令鍋底麻辣鮮香。鋪頭提供既肉類繁多，可以話係花多眼亂。最後揀左兩款細分既(200G)牛肉，一款係本地手切肥牛($238)，而另一款係墨西哥極品牛小排肥牛($128)。本地手切肥牛超好食，勁有牛味，而且雪花同肉既比例好好，質素好高。碼頭
我地叫左重慶麻辣火紅鍋拼松茸鍋($88+$88)，雖然同行既朋友都唔係咁鍾意食辣，但一心黎到就點都要試一試。鋪頭亦都十分貼心有4個程度比我地揀(微辣/小辣/中辣/大辣)，而我地叫左小辣試下。冇幾耐湯底就到左，老闆好窩心提我地唔好咁快將食材放入鍋中，要我地先試一試那菌香四溢既松茸湯。松茸湯以日本頂級松茸、羊肚菌及茶樹菇，加以豬骨、豬蹄、排骨、老雞等熬煮六個小時而成，可以講得上係落足心機，亦都令個湯十分滋補。係未打邊爐之前先飲一碗亦都夠晒味道。而另一邊既麻辣大紅鍋以鮮牛油及多種辣椒炒製而成，連同重慶豆瓣醬及三十多種中藥材，配上煮製好的辣椒醬，炒香後煲五個鐘頭，配合濃郁既豬骨湯底令鍋底麻辣鮮香。
鋪頭提供既肉類繁多，可以話係花多眼亂。最後揀左兩款細分既(200G)牛肉，一款係本地手切肥牛($238)，而另一款係墨西哥極品牛小排肥牛($128)。本地手切肥牛超好食，勁有牛味，而且雪花同肉既比例好好，質素好高。
碼頭三寶($178)入面包含鮮黑毛肚、鮮鵝腸、鮮黃喉。鮮黑毛肚同鮮黃喉素來係麻辣火鍋既最佳拍擋而我地都係第一次試食，一食就十分垂青，鮮黃喉超爽口彈牙，嚼勁十足。黑毛肚輕輕涮幾秒，就已吸盡濃郁既湯底，爽口過癮。
綜合滑類拼盤($158)係手打墨魚滑拼蝦滑，師傅砌成兩個心形，好特別!2款分別有墨魚粒同蝦粒係入面，食落去彈牙得黎亦不失口感。
打邊爐又點少得手打既丸類，我地亦為左可以一次試晒咁多款決定叫左個綜合手工丸子拼盤($118)入而有豬肉丸、墨魚丸、蝦丸、香菜鯪魚丸。賣相非常精緻，全部都以青瓜墊底，唔駛驚黐底。豬肉丸入口彈牙有咬口，唔會太多粉，淥耐左都唔會覺得老。香菜即係我地平時叫既芫荽，而芫荽鯪魚丸除左好煙韌仲好香既芫荽既香味。
我地仲叫左鮮淮山($48)，一個字”靚”紫色加白色既配搭係賣相100分。師傅亦都好有心機以梅花間竹既擺盤令觀感提升不少。淮山新鮮入口即溶配上麻辣湯既味道十分過癮。
Post
