高妹廚房

Open Now

Now Closed

有時放工後唔想食正餐，反而會想食啲小食店，呢間位於灣仔嘅高妹廚房正好啱晒我，佢有賣唔同類型嘅小食、糖水、炒麵，總有一款啱你食。🔸煎釀三寶 每件都好大件，揀咗尖椒、豆腐、茄子同豆卜，新鮮熱辣煎到好香，鯪魚肉味都好好味，佢跟嘅豉油係甜甜地，點埋黎食更加惹味🔸台式麻辣鴨血豆腐 喺小食店竟然可以食到麻辣鴨血，辣度十足帶點麻，豆腐索晒啲麻辣汁，鴨血嫩滑，同麻辣汁絕配！🔸泰式酸辣無骨鳳爪 一兜有成六七隻，鳳爪整得好入味，混合酸、甜、辣嘅味道令人非常開胃！🔸椰汁芋頭西米露食飽之後梗係食甜品啦，西米露好足料，芋頭切到超大粒，而且西米露煮到剛剛好，保持口感🔸腐竹薏米雞蛋糖水同樣係好足料，有成隻雞蛋，腐竹同薏米都好多，甜度適中，作為飯後甜品啱晒！