一起食堂 (軒尼詩道)

Open Now

Now Closed

✨早幾日行完婚展，再約fd 食飯🤣🤣 離開會展順住天橋行，揀咗揀台式餐廳😻 4個人都好滿意餐飯👍👍👍 一定要同大家分享🥰🍽️花雕麻油雞肉麵花雕味好吸引味蕾，色香味俱全。雞肉用咗扎肉，捲起雞髀肉，再浸花雕酒，所以係佢入嚟，雞肉肉質都好嫩滑。🍽️紅燒三寶牛肉麵我覺得唔係三寶，係三珍寶！每一件都超大嚿，又入味又好食。大大嚿牛腱，軟腍有咬口。 大大嚿牛肚同埋牛腩，都超好食。🍽️日式清酒煮蜆烏龍麵台灣嘅烏龍麵即係烏冬，日式嘅清酒再大有蜆肉嘅清甜，兩者非常之夾。蜆嘅份量多，每一隻都清甜入味。🍽️黑糖豬軟骨飯台式餐廳嘅豬軟骨飯都好出眾，豬軟骨真係超入味，佢呢個特別啲係用咗黑糖，又唔會甜到漏，甜度適中，仲有膠質滿滿嘅軟骨，大大啖食落去超滿足。🍽️滷雞翼一共四隻，啱啱好一人一隻，雞翼都算大隻，同埋個滷水汁做得幾好，灑上蔥花做點綴，即刻儀式感滿滿。🍽️鹽酥雞雞肉好嫩滑，表皮炸得好香脆，似係喺台灣夜市食嘅鹽酥雞。