德國餐廳 (Wetland Seasons Bay)

Open Now

Now Closed

細佬住喺天水圍Wetland Park，佢話呢度有間德國餐廳啲鹹豬手好正，一於一齊去食dinner傾下計🙌🏻 餐廳木系暖色燈光，都幾有mood~ 德國鹹豬手配酸菜及薯仔沙律$238細佬食過翻尋味嘅豬手當然必點！皮脆肉嫩仲帶少少濕潤，脆卜卜燒豬皮同粉紅色嘅肉質，火侯控制唔錯，調味又唔會好鹹。配菜仲有酸菜、薯仔沙律，份量又大，食完已經七分飽😜 果然招牌菜！德國香腸拼盤$172肉控嘅我扡進攻埋香腸，有蕃茄醬同芥末醬，仲有薯條墊底。香腸有4款，全部都係皮脆多汁，其中一款仲有辣味，味道有變化，多吃多滋味✨呢度嘅烤乳豬都係招牌菜，不過就要早幾日預訂先有得食，留返下次試完同大家報告😎 如果你哋去開濕地公園玩，嚟呢度試吓都唔錯。