經典古早味蛋糕

Open Now

Now Closed

有時驚啲蛋糕太乾，好容易食到喉嚨唔舒服！ 呢度嘅古早味蛋糕好似比出邊嘅更加濕潤，最重要佢係好足料，嗰日我哋叫咗一個流心芝士蛋糕🍰 嗰日因為做緊特價原本$75，特價係$60，佢仲送咗張$10優惠券俾我哋下次再嚟買，不過因為我哋擔心下次唔知幾時會再嚟過深水埗，太浪費，我哋即時送咗比下一位客人，佢就可以即時使用啦😊店員都好好，冇阻止我哋，仲解釋比個婆婆知可以即時使用。返到嚟屋企個蛋糕仲係暖的，唔需要額外加熱👍🏻 而且中間嗰層流心芝士好濃郁👍🏻蛋糕面仲會有一層芝士碎 ！食落真係好滋味，亦都好「芝」味。