Video
Read full review
2024-01-12
394 views
爸爸生日，一家人同佢過嚟尖沙咀食飯。酒樓非常多人，好彩我哋訂咗枱，如果唔係真係有排等。呢間茶樓嘅菜式好有水準，唔怪得有咁多人嚟食！1️⃣紅燒乳鴿皇乳鴿即叫即炸，大大隻熱辣辣新鮮又香脆，最正係脆卜卜嘅外皮，入邊嘅肉非常嫩滑。每人一隻都唔夠食！2️⃣芝士龍蝦伊麵超濃郁芝士龍蝦伊麵，超多龍蝦肉，蝦肉鮮甜又彈牙，伊麵煮得啱啱好爽口又唔會太腍，加上濃郁芝士醬汁一齊食，食過返尋味！3️⃣避風塘瀨尿蝦避風塘嘅菜式一向都好惹味，今次配搭呢個瀨尿蝦，瀨尿蝦非常大隻多肉有鮮甜，又避風塘呢個煮法更加激發蝦肉嘅鮮甜味，同時又食到蒜香味和椒鹽味，好味更上一層樓。4️⃣海鮮雜菜煲充滿海鮮和雜菜嘅煲，熱辣辣仲有嘢味嘅湯汁飲，海鮮有蝦，魷魚，帶子，雜菜就有白菜，大白菜🥬，杏鮑菇。仲有我至愛嘅粉絲，成個煲都非常豐富。5️⃣話梅凍豬手冰冰涼涼話梅凍豬手，食落去酸酸甜甜，豬手皮Q但充滿骨膠原，豬手肉非常腍，就算老人家都咬到，而且好味又開胃。呢一道真係心機菜，好推介食呢一個話梅凍豬手。
爸爸生日，一家人同佢過嚟尖沙咀食飯。酒樓非常多人，好彩我哋訂咗枱，如果唔係真係有排等。呢間茶樓嘅菜式好有水準，唔怪得有咁多人嚟食！1️⃣紅燒乳鴿皇
乳鴿即叫即炸，大大隻熱辣辣新鮮又香脆，最正係脆卜卜嘅外皮，入邊嘅肉非常嫩滑。每人一隻都唔夠食！
2️⃣芝士龍蝦伊麵超濃郁芝士龍蝦伊麵，超多龍蝦肉，蝦肉鮮甜又彈牙，伊麵煮得啱啱好爽口又唔會太腍，加上濃郁芝士醬汁一齊食，食過返尋味！
3️⃣避風塘瀨尿蝦避風塘嘅菜式一向都好惹味，今次配搭呢個瀨尿蝦，瀨尿蝦非常大隻多肉有鮮甜，又避風塘呢個煮法更加激發蝦肉嘅鮮甜味，同時又食到蒜香味和椒鹽味，好味更上一層樓。
4️⃣海鮮雜菜煲
充滿海鮮和雜菜嘅煲，熱辣辣仲有嘢味嘅湯汁飲，海鮮有蝦，魷魚，帶子，雜菜就有白菜，大白菜🥬，杏鮑菇。仲有我至愛嘅粉絲，成個煲都非常豐富。
5️⃣話梅凍豬手冰冰涼涼話梅凍豬手，食落去酸酸甜甜，豬手皮Q但充滿骨膠原，豬手肉非常腍，就算老人家都咬到，而且好味又開胃。呢一道真係心機菜，好推介食呢一個話梅凍豬手。
Post
