euro go go (Closed)

周日午餐，因為想食意粉就黎左呢度，自己搵位，要稍等一陣先有位，再出去買野食。柑桔檸檬水，有明顯檸檬味，幾醒胃的飲品，但唔純天然，有加糖的。芝士白汁海鮮意粉，個味都幾好味，海鮮又夠多。磨菇肉醬意粉，我幾鍾意個汁，有點似羅宋湯味，料有牛肉粒、紅蘿蔔、磨菇，料同汁剛好份量，撈均食真係幾好食，意粉幼身頗能掛汁。煙肉忌廉西蘭花，芝士幾足，半溶咁，好滋味，西蘭花焗到軟身，但仍翠綠色，份量都唔少。蜜糖雞翼每次黎必點，蜜糖好多，夠晒sweet，咬開肉好嫩又多汁。每道菜式都係即叫即煮熱辣辣，所以水準唔錯。