茶餐廳2.0 (Closed)

今晚同爸爸又到茶餐廳2.0食晚餐好鍾意黎呢度食野，因為野食種類又多，價格相宜，而且味道又唔錯，仲坐得幾舒服。餐廳環境唔差，仲有好多座位，服務又好，所以呢堆都係我常常來幫襯既原因。今晚同爸爸主要黎食鐵板餐。點了鐵板餐再加$10，可以有一杯餐飲及一碗中/西湯。是日中湯為冬瓜湯。西湯為羅宋湯。入面都好足料，好夠味，不錯不錯。爸爸點了澳洲西扒牛扒配意粉。好肉厚既西冷扒，好吸引，肉厚又多肉汁，唔錯唔錯，而且都好大塊，size不細，啖啖肉，超惹味。放係熱辣辣既鐵板上，可以有保溫既效果。而我點了美國豬鞍扒，都係大大塊又肉厚。好豐富。食肉獸好岩黎呢度食返個扒餐，又抵食又啖啖肉，大滿足。每款鐵板都可選飯/意粉/薯菜。我們都點了意粉。意粉都十分美味，因為拌上了蕃茄汁，令意粉更香更好味，好吸引。仲可加埋少少黑椒汁，更惹味。超豐富，超飽肚，這就是我們的晚餐。