品川日本料理 (Closed)

怕肥嘅女生都係抗拒唔到魚生壽司，魚生入口果種魚肉鮮味真係好正，所以我地兩個又去食放題。呢個地方寬敞，唔使擔心坐得太密。好，坐低睇吓有咩好食先。唔好以為放題就質素麻麻，呢度嘅刺身新鮮度拍得住日本餐廳，帶子粒粒爽甜，三文魚、吞拿魚紅潤光澤，甜蝦鮮甜味美。雪花牛肉鍋，新鮮牛肉有牛肉味，仲有粉絲墊底，甜甜地嘅湯底好惹味。壽司款式多，而且一口食得晒，飯粒軟綿綿暖暖地，好味！仲有炸物、燒物都熱辣辣上碟，怕熱氣都忍唔住要食。岀面仲有沙律、飲品、雪糕。