四季文昌 (Closed)

要捉緊冬天的尾巴打邊爐 又係椰子雞煲啦 今日食呢間四季文昌 閒日嘅夜晚黎到 唔算太多人 地方夠闊落 裝修夠曬特別 行英倫風 打卡影相1流 仲有個電話亭放喺度 好有趣椰子雞煲湯底 用上幾隻椰子同椰皇去調制 加上嫩滑既走地雞去做 聽到都想食 椰子湯滾咗可以落雞 然後反轉沙漏計時 等一陣就有得食 個汁料可以落沙薑青檸同辣椒 點埋嫩滑嘅雞肉一齊食 勁惹味可口 黑松露鮮蝦福袋 黑松露味好出 入面有兩至三隻大大隻嘅鮮蝦 爽口彈牙 加埋外面嘅腐皮超正 七彩芝士流心丸 朋友講笑 話係動漫入面嘅神器 哈哈 因為真係好色彩繽紛 個人最喜愛係黑松露味 加入爽口彈牙嘅鮮蝦滑 入面仲有粒粒嘅芝士 可以有拉絲效果 真係極邪惡鬼馬蝦滑 呢個係用咗油炸鬼 包上蝦滑同蟹子 放落去一陣就食得 油炸鬼吸曬個湯底嘅精華 不過就好容易散開 要快啲食 極上和牛拼盤 分量超大 兩個人都驚食唔曬 有牛脷粒 熊本和牛 澳洲和牛 美國安格斯牛 同埋佐賀和牛 個人最喜歡美國安格斯 因為比較肥美 油花分佈平均 入口即溶 最後就係臘味煲仔飯 煲飯又係勁大兜 我諗要三至四個人先食得曬 下次真係唔好咁貪心 上面既臘味勁足料 加埋個飯蕉一齊食好夾