源味燉湯

Open Now

Now Closed

放工實在太累，不想煮飯，就到樓下買個健康外賣，外賣都可以食得健康。個套餐好抵食，$198 二人套餐，包括2 人份量的燉湯，及兩款小食。燉湯方面有烏雞的三款需要加$20 ，素湯就不需補錢，食好啲，揀左粟米椰子燉烏雞湯，包裝乾淨整潔，可以拎返屋企加熱或者店內加熱 。回家倒出嚟有大件烏雞，味道清甜一人一碗。小食方面可以揀選兩款鹵水或者沙薑味道的小食 ，兩款鹵水雞翼同埋鹵水豬手都非常入味，豬手qq彈滑。另外再單點一款惹味手撕雞飯$68, 有四分之一隻雞嘅份量再加半條青瓜，日日新鮮製造，仲有秘製辣汁，非常美味，雞肉新鮮。咁近屋企，真係要多啲幫襯。