盈記四季養生麵館

Open Now

Now Closed

今日又再次港島一日遊，差不多由11點左右開始由中上環一直飲飲食食，之後再搭叮叮去灣仔利東街一帶繼續行街，行下行下又開始肚餓，望望附近有咩好食先。行到修頓球場對面發現一間養生藥膳湯麵，老公最愛藥膳湯底，二話不說已經話要試試看。藥膳農場雞蟲草花養生湯先試一口湯底，有濃濃的紅棗甜味，繼而有陣陣藥材香氣，店家用上三黃雞，雞肉的清甜味令到湯底更加可口，雞肉鮮甜多汁，雞胸位置都保持肉質鮮嫩，蟲草花滋補爽口，仲可以降低膽固醇。藥膳浸雞腳雞腳入口軟嫩，輕輕一咬已經離骨，藥材香味完全滲透入內。秘製汁木耳木耳口感爽脆，秘製麻辣汁酸酸辣辣，令人非常開胃。