Video
Read full review
2019-10-27
503 views
初秋開始有點涼意, 又係時候補下身, 打邊邊爐嘅時間, 今晚嚟銅鑼灣地鐵站的火鍋英雄食花雕醉烏鷄。富中國特色的裝潢及座位, 以木傢俬及擺设為主, 很中國風。混醬區齊人, 啟動選湯底及火鍋配料, 靚肥牛只賣$228, 其他火鍋配料價錢都合理, 叫多幾碟也不用計較。等人都唔怕餓親你, 坐低即奉上八小美味小食, 有木耳、花生, 海帶、蓮藕、豬耳及青瓜等, 有辣有唔辣, 先開一開你個胃, 豬耳香辣惹味又脆口, 正!竹蔗茅根水 （$48/枝）打邊爐比較燥熱， 竹蔗茅根水是火鍋配搭的最佳飲品， 滋潤降燥，兼冰涼可口。二十五年陳年花雕醉烏雞鍋拼雜菌鍋 （$208）花雕醉鍋滾起, 散發出陣陣的花雕香及藥材味道, 跟住落烏雞一齊煲。烏雞向來都係補而不燥的中國滋補妙品, 花雕醉鍋還加了杞子、黨蔘、桂圓、當歸等藥材。另一邊較清嘅雜菌鍋就用嚟打邊爐， 打邊爐嘅湯底個人偏向喜歡用清淡的湯底， 那樣才可食出火鍋材料的味道。揀咗啲嫩滑嘅烏雞件吃, 其餘鷄件繼續煲湯。美國極品肥牛 （$228/小）牛魔王打邊邊必食配料之一， 叫了細碟， 份量一點也不少， 無聊數過有21塊， 堅抵食!美國極品肥牛油花分佈平均， 色澤嫩
富中國特色的裝潢及座位, 以木傢俬及擺设為主, 很中國風。
混醬區
齊人, 啟動選湯底及火鍋配料, 靚肥牛只賣$228, 其他火鍋配料價錢都合理, 叫多幾碟也不用計較。
等人都唔怕餓親你, 坐低即奉上八小美味小食, 有木耳、花生, 海帶、蓮藕、豬耳及青瓜等, 有辣有唔辣, 先開一開你個胃, 豬耳香辣惹味又脆口, 正!
竹蔗茅根水 （$48/枝）
打邊爐比較燥熱， 竹蔗茅根水是火鍋配搭的最佳飲品， 滋潤降燥，兼冰涼可口。
二十五年陳年花雕醉烏雞鍋拼雜菌鍋 （$208）
花雕醉鍋滾起, 散發出陣陣的花雕香及藥材味道, 跟住落烏雞一齊煲。
烏雞向來都係補而不燥的中國滋補妙品, 花雕醉鍋還加了杞子、黨蔘、桂圓、當歸等藥材。
另一邊較清嘅雜菌鍋就用嚟打邊爐， 打邊爐嘅湯底個人偏向喜歡用清淡的湯底， 那樣才可食出火鍋材料的味道。
揀咗啲嫩滑嘅烏雞件吃, 其餘鷄件繼續煲湯。
美國極品肥牛 （$228/小）
牛魔王打邊邊必食配料之一， 叫了細碟， 份量一點也不少， 無聊數過有21塊， 堅抵食!
美國極品肥牛油花分佈平均， 色澤嫩紅亮麗， 看似很美味。
入口肉質油滑不失咬口， 帶點彈性，有肉香， 美味
韭菜水餃 （$48）
要飽肚， 隨除咗薯粉外， 餃子餛飩是個不錯的選擇。
韭菜豬肉比例大概7:3， 咬開都有爆汁嘅感覺，相信應該係用新鮮豬肉嘅效果吧， 韭菜餡本身已經調味， 就咁食味道剛剛好。
西班牙黑豚肉 （$108）
呢碟豚肉大家都讚， 半肥瘦，焯兩下便可進食， 口感爽彈， 不油膩， 肉味濃郁， 帶點菇菌清香， 連醬汁都免拈了
招牌四寶丸 （$118）
貪心的人有福了， 一碟試曬佢哋嘅四種招牌手打丸， 有牛丸、鯪魚球、墨魚丸及蝦丸。
**鯪魚丸 ~ 一入口已經知道真係用新鮮鯪魚打成， 啖啖新鮮鯪魚嘅味道， 爽口彈牙。
**牛丸 ~ 肉汁豐富又彈牙， 牛丸最難得係食到牛味。
**墨魚丸 ~ 墨魚丸絕對係個人最喜愛嘅丸類， 貪佢爽口彈牙又鮮甜，還有粒粒墨魚嘅咬口。
烏雞湯煲好了， 每人喝了兩小碗， 喝罷感覺成身暖曬， 烏雞是補身良品， 皮下脂肪不多， 湯頭冇咁油膩，藥材味較濃厚, 花雕蒸發了不少, 酒香而不濃烈, 剩餘的湯底用嚟焯菜最正！
很滿意的一頓火鍋， 有滋補烏雞湯飲， 有靚牛食， 4人食得飽飽的, 埋單每人約$260， 抵！.
Post
