紅米 (億利工業中心)

Open Now

Now Closed

經過荔枝角附近, 搵間茶記醫肚, 一望個menu, 就似乎得滑蛋同湯飯比較吸引我哋😂食個快飯! 價錢唔貴, 啲位又幾好座✨『蒲燒鰻魚蛋包飯』HK$63大大塊滑蛋包住米飯! 加埋沾左蒲燒汁嘅鰻魚好好送飯呀🥢鰻魚配滑蛋真係冇得輸, 味道好夾, 滑蛋炒得剛好, 唔太熟, 又唔太生. 會有蛋汁, 跟麻醬沙律菜, 健康之選!『鮑魚花膠冬菇雞湯』HK$61可以配飯或者配烏冬, 我就揀左烏冬, 其實都幾夾, 咁啱今日天氣都仲係涼涼地. 食返個熱湯好舒服🍲個湯都好足花膠同雞味, 感覺足料, 飲完舒服唔口乾, 湯料有冬菇、小鮑魚、花膠、白蘿蔔、雞件、蟲草花, 雞件有咬口...跟餐我仲加配左『吉列炸蝦兩件』HK$10同『蠔油生菜』HK$10, 份量尚可, 話晒都成日出街食飯, 食條菜就健康啲啦! 仲有跟餐個『凍檸茶』都幾大杯喎! 抵飲🍹檸檬茶茶底係紅茶為主, 檸檬冇苦澀味🫶🏻°°°°°°°°°°°°°°°°°°°°°°°°°°°°°°紅米 📍 長沙灣道883號億利工業中心地下8號舖