滾得棧 (Closed)

一大班朋友就最鐘意圍爐，加上呢家嘅天氣真心剛剛好，打個邊爐暖暖身又可以同朋友慢慢吹水吹到天昏地暗～今次我地滾友就去左油麻地嘅滾得棧滾滾佢！佢地嘅湯底都係濃郁系列，今次叫左沙嗲同埋必點嘅胡椒豬肚湯底！沙嗲湯底好香濃涮牛就夠晒夾啦！啲沙嗲湯汁會掛晒係塊牛度～煲入面嘅豆卜都無得頂，吸晒啲汁！例牌要嗌本地牛頸脊，油花勻稱，有嚼口牛香好足係我愛佢嘅原因！另外仲點左炸蠔，榮升我係呢度第二愛嘅菜式酥脆之餘入面仲好juicy，新鮮無腥！火鍋配料我鐘意脆骨腩，爽口咬落脆卜卜嘅口感好正！貝類都好新鮮啊～仲點左個坊間少見嘅黃油雞腸，邪惡指數爆燈佢地嘅餃子都好特別，好似呢個梅菜豬肉餃好得意，真係有幾分似肉餅！