滾得棧 (Closed)

呢間店係朋友之前試過唔錯，今晚就同她一齊去，餐廳位置就係大街後面轉過彎就到，一啲都唔難搵，而座位都十分闊落，座得十分舒服，而個點菜紙就好有特色，成份報紙咁，當然內頁就係火鍋配料，部份有圖片所以十分清楚，今晚就點了個潮州湯底拼番茄薯仔湯底$79，都係一個價錢兩種口味，而另一個一定要點嘅係個竹庶水$68，超大榨，同平時點嘅份量係2倍左右，堅清熱！咁當然還有唔同嘅火鍋配料，而這裡另一個特色就是可以半份落單，如果又想食到不同口味時，可以在單上寫上半字，啱晒我樣樣都試啲！還有朋友知道我超喜愛吃糯米飯，就點埋個生炒糯米飯$118，又邊爐又食糯米飯，個飯真係炒得十分出色，材料十足，粒粒糯米飯都好有彈性夠晒煙韌，而且炒得好香，攪到我主力在個飯上，朋友亦點了這裡好出名嘅牛魔王$378，我都有食，佢嘅組合就係差不多將牛嘅組合樣樣都有啲，喜歡吃牛者，這個亦是一個樣樣齊嘅選擇，不用多想之餘，又可以食到唔同嘅部位！朋友今晚嘅推介確實唔錯，有質素！